Restorativ stomatologiyanın dinamik inkişafı fonunda mükəmməllik təbabətin həm rəqəmsal, həm də analoq aspektlərinin vəhdətinin mənimsənilməsindən asılıdır. Keramik materiyallar elastiklik, möhkəmlik və estetik etibarlılığı təmin etməklə müasir stomatoloji restovrativ müalicə proseslərində təməl materiyal halına gəlmişdir. Həmçinin bu nüanslar keramikanın geniş spektrli göstərişlərlə istifadəsinə şərait yaratmışdır.

Bu mühazirədə iştirakçılar keramikanın təkamül prosesinə səyahət edəcək ( rəqəmsal dizayn və CAD/CAM-da istehsaldan tutmuş ənənəvi presləmə və təbəqələmə üsullarına qədər) və optimal nəticələr əldə etmək üçün bu yanaşmaların strateji olaraq necə uğurla kombinasiya edilməli olduğunu anlayacaqlar. Klinik hallara və praktik mülahizələrə əsaslanaraq, nə zaman tam rəqəmsal davam edəcəyimizi, nə zaman analoq toxunuşların hələ də fərq yaradacağını, eləcə də texnologiya ilə sənətkarlıq arasında harmoniyanın necə təmin ediləcəyini birlikdə nəzərdən keçirəcəyik.

Mühazirə zamanı xüsusilə həqiqətən mühim olan detallara diqqət yetiriləcəkdir: marginal kənarın dəqiqliyi, şəffaflığın idarə edilməsi, səth teksturası, rəng kalibrasiyası və adgeziv strategiyalar. İştirakçılar mühazirənin sonunda  müntəzəm, təbii və dözümlü restovrativ nəticələrə necə nail olacaqlarını tam anlayacaqlar. Hər qərar, hər detal və iş prosesinin hər mərhələsi yekun uğurun ayrılmaz hissəsidir.

Rəqəmsal stomatologiya hər şeyi dəyişib və bu günə qədər dəyişməz sayılan bir çox parametrlərə yenidən baxmaq zəruridir. Rəqəmsal iş axını üçün dişlərin preparasiyası artıq yeni parametrlər tələb edir. Həmçinin, monolitik restavrasiyalarda rəngin seçilməsi və qiymətləndirilməsində də yeni yanaşmalara diqqət yetirmək lazımdır. Düzgün metodikanın seçilməsi isə hələ ki, mövcud olmayan bir protokola ehtiyac duyur. Təqdimatımda bu yeni dövrdə bizə kömək edəcək protokolları axtararaq, hər şeyə aydınlıq gətirməyə və nizam yaratmağa çalışacağam.

Total ağız reabilitasiyası (FMR) estetik, funksional və uzunmüddətli davamlılıq arasında düzgün balans tələb edən kompleks yanaşmadır. Bu mühazirədə estetik FMR-in icrasını dəyişdirən müasir strategiyalar və yeni materiallar təqdim olunacaq. Əsas mövzulara diaqnostik protokollar, rəqəmsal planlaşdırma alətləri(məsələn, rəqəmsal gülümsəmə dizaynı-DSD kimi) və multidisiplinar əməkdaşlıq daxildir.

Material seçiminə xüsusi diqqət yetirilir — optik və mexaniki xüsusiyyətlərinə əsasən yüksək şəffaflıqlı zirkonium, litium disilikat və müasir növ kompozitlərin müqayisəsi aparılır. Keramik materialının seçimi, sementləmə texnikaları və adgeziv protokollar üzrə klinik qərarvermə prosesi ətraflı şəkildə izah olunacaq.

Okluziya, vertikal hündürlüyün bərpası və minimal invaziv yanaşmalar real klinik nümunələr əsasında təqdim olunacaq.

Bütün işin gedişatı intraoral skanlama, CAD/CAM və 3D çap kimi rəqəmsal texnologiyalarla inteqrasiya olunaraq yüksək dəqiqlik və proqnozlaşdırıla bilən nəticələr əldə edilir.

On ildən artıqdır ki, yekun diş sırası (Terminal Dentition) termini peşəkar stomatoloji cəmiyyətində geniş şəkildə istifadə olunur və bu, xəstənin ağız boşluğunda qalan son dişlərin çıxarılmasının zəruriliyini ifadə edir. Lakin bu cür klinik qərar hansı əsasla qəbul olunur? Bütün mütəxəssislər bu anlayışı eyni şəkildə mi şərh edirlər? Qeyd etmək lazımdır ki, “Terminal Dentition” termini elmi baxımdan dəqiq tərifə malik olmayan, bilavasitə stomatoloji praktika çərçivəsində formalaşmış şərti bir anlayışdır. Bundan əlavə, bu günə qədər peşəkar mühitdə belə klinik hallarda hansı protezləşdirmə üsulunun optimal müalicə strategiyası hesab olunmalı olduğu ilə bağlı yekdil fikir mövcud deyil. Bu mühazirənin məqsədi – qalan dişlərin qorunmasından imtina qərarının hansı məqamda verilməli olduğunu və ortopedik reabilitasiyanın ən məqsədəuyğun variantını seçmək üçün tibbi komandaya əsaslandırılmış və strukturlaşdırılmış qərar qəbuletmə yanaşmasını təqdim etməkdir.